உலகின் அதிரடி வீரரும் வெஸ்ட் இண்டீஸ் அணியின் நட்சத்திர வீரருமான ஆண்ட்ரே ரஸ்ஸெல் 2016ஆம் ஆண்டு மாடல் அழகியான ஜெஸ்ஸி லாராவை திருமணம் செய்துகொண்டார். இந்நிலையில் சமீபத்தில் நிகழ்ச்சி ஒன்றில் கலந்துகொண்ட ரஸ்ஸெல் தான் தந்தையாகவுள்ளேன் என்ற தகவலை தனது சமூக வலைதளத்தில் வெளியிட்டார்.
அந்தக் காணொலி பதிவில், "இது என் வாழ்வில் கிடைத்த மற்றொரு ஆசிர்வாதம். அது ஒரு பையனாகவோ அல்லது பெண்ணாகவோ இருந்தாலும் பரவாயில்லை. அனைவரும் கடவுளிடம் வேண்டுவது ஆரோக்கியமான குழந்தையை மட்டும்தான் #babyrussell" எனப் பதிவிட்டுள்ளார்.
தற்போது இந்தக் காணொலி சமூக வலைதளங்களில் வைரலாகப் பரவிவருகிறது. இந்தக் காணொலியை கண்ட நண்பர்கள், ரசிகர்கள், நெட்டிசன்கள் ஆண்ட்ரே ரஸ்ஸெலுக்கு வாழ்த்து செய்திகளைத் தெரிவித்துவருகின்றனர்.
