இந்தியாவின் நட்சத்திர பேட்மிண்டன் வீராங்கனையாக வலம்வருபவர் சாய்னா நேவால். ஹரியானா மாநிலத்தை சேர்ந்த இவர், இந்தியாவிற்காக பேட்மிண்டன் விளையாட்டில் பல சாதனைகளைப் படைத்துள்ளார்.
இவர் சர்வதேச பேட்மிண்டன் விளையாட்டில் 24 பட்டங்களையும், 2012ஆம் ஆண்டு நடைபெற்ற லண்டன் ஒலிம்பிக் விளையாட்டுப் போட்டிகளில் வெண்கலப் பதக்கத்தையும் வென்றிருக்கிறார். மேலும் சர்வதேச பேட்மிண்டனில் நம்பர் ஒன் இடத்தையும் இவர் பிடித்திருந்தார். மேலும் இவர் இந்திய அரசால் விளையாட்டு வீரர்களுக்கு அளிக்கப்படும் உயரிய விருதான ராஜிவ் கேல் ரத்னா விருது, அர்ஜூனா விருது ஆகிய விருதுகளையும் பெற்றார்.
இந்நிலையில், பாஜக மூத்த தலைவர் அருண் சிங் முன்னிலையில், அக்கட்சியில் சாய்னா நேவால் இன்று இணைந்துள்ளார். சாய்னாவுடன் அவரது மூத்த சகோதரியான சந்திரான்ஷும் பாஜகவில் இணைந்துள்ளார். டெல்லி சட்டப்பேரவைத் தேர்தலுக்கு முன்னதாக சாய்னா, பாஜகவில் இணைந்திருப்பது அரசியல் வட்டாரங்களில் முக்கியத்துவம் வாய்ந்ததாகக் கருதப்படுகிறது.
மேலும் இது குறித்து அவர்கூறுகையில், பிரதமர் மோடி நாட்டிற்காக கடுமையாக உழைத்து வருகிறார். மேலும் ஆவர் என்னை ஊக்கப்படுத்தி வருகிறார். பிரதமர் மோடியுடன் இணைந்து பணியாற்றுவது எனக்கு கிடைத்த மிகப்பெரிய பாக்கியம் என தெரிவித்துள்ளார்.
இதற்கு முன்னதாக நடைபெற்ற ஹரியானா சட்டப்பேரவைத் தேர்தலின்போது விளையாட்டு வீரர்களான குத்தச்சண்டை வீரர் சுஷில் குமார், குத்துச்சண்டை வீராங்கனை பபிதா போகத், முன்னாள் ஹாக்கி அணியின் கேப்டன் வீரரான சந்தீப் சிங் ஆகியோரும் பாஜகவில் இணைந்தனர். அதில் மந்தீப் சிங் தேர்தலில் வெற்றிபெற்று அமைச்சராகவும் பதவி வகித்துவருகிறார்.
இதையும் படிங்க: ஹெலிகாப்டர் விபத்தில் மரணமடைந்த கோப் பிரைன்ட் உடல் மீட்பு!
