நடிகர் சிவகார்த்திகேயன் இரும்புத்திரை பட இயக்குநர் பி.எஸ்.மித்ரன் இயக்கத்தில் 'ஹீரோ' படத்தில் நடித்து வருகிறார். இந்தப்படத்தில் சிவகார்த்திகேயனுக்கு ஜோடியாக கல்யாணி பிரியதர்ஷன் நடிக்கிறார்.
மேலும் இப்படத்தில் நடிகர் அர்ஜூனும், நடிகை இவானாவும் முக்கிய கதாபாத்திரத்தில் நடிக்கின்றனர். இந்நிலையில், இப்படத்தில் சிவகார்த்திகேயனோடு விவேக் இணையவுள்ளார். சிவகார்த்திகேயன் இதுவரை சூரி, சதீஷ், யோகிபாபு உள்ளிட்ட சிலருடன்மட்டுமே நடித்துவந்தார்.
இந்நிலையில் தற்போது முதன் முறையாக சிவகார்த்திகேயன் விவேக்குடன் சேர்ந்து நடிக்கிறார். கே.ஜே.ஆர் ஸ்டுடியோஸ் நிறுவனம் தயாரிக்கும் இப்படத்திற்கு யுவன் சங்கர் ராஜா இசையமைக்கிறார்.
இதனைத்தொடர்ந்து சிவகார்த்திகேயன், ரவிக்குமார் இயக்கி வரும் ஒரு சயின்ஸ் பிக்சர் படத்திலும் விக்னேஷ்சிவன், பாண்டியராஜ் இயக்க இருக்கும் புதிய படங்களிலும் நடிக்க இருக்கிறார்.
