'மாஸ்டர்' திரைப்படத்தை அடுத்து லோகேஷ் கனகராஜ் கமல்ஹாசனை வைத்து தனது அடுத்த படத்தை இயக்கி வருகிறார். இது கமல்ஹாசனின் 232ஆவது படமாகும்.
இப்படத்தில் ஃபகத் பாசில், விஜய் சேதுபதி, நரேன் உள்ளிட்டோர் நடிக்கின்றனர். அனிருத் இசை அமைக்கிறார். கமலின் ராஜ்கமல் நிறுவனம் இதை தயாரிக்கிறது.
சமீபத்தில் இப்படத்தின் ஃபர்ஸ்ட் லுக், படப்பிடிப்பு ஆரம்ப வீடியோ சமூகவலைதளத்தில் வெளியாகி வைரலானது. ஃபர்ஸ்ட் லுக்கில் விஜய் சேதுபதி, ஃபகத் பாசில் ஆகியோரும் மாஸான லுக்கில் இருந்தனர்.
சமீபத்தில் இப்படத்தின் படப்பிடிப்பு ஆரம்பமானது. அதில் கமல், விஜய் சேதுபதி ஆகியோர் கலந்துகொண்டனர். விக்ரம் படத்தில் கமலுக்கு வில்லனாக ஃபகத் பாசில் நடிக்கிறார். தற்போது அவரும் படப்பிடிப்பில் கலந்துகொண்டுள்ளார்.
படப்பிடிப்பு தளத்தில் கமலுடன் ஃபகத் பாசில் எடுத்துக்கொண்ட புகைப்படம் தற்போது சமூகவலைதளத்தில் வெளியாக வேகமாக பரவி வருகிறது.
இதையும் படிங்க: அட, இவர்தான் கமலுக்கு வில்லனா... விக்ரம் அப்டேட் வழங்கிய லோகேஷ்!
