கார்த்திக் சுப்புராஜ் இயக்கத்தில் விக்ரம், அவரது மகன் துருவ் விக்ரம் இணைந்து நடித்துள்ள திரைப்படம் 'மகான்'. இதில் சிம்ரன், வாணி போஜன், பாபி சிம்ஹா உள்ளிட்ட பலர் முக்கியக் கதாபாத்திரத்தில் நடித்துள்ளனர். பிப்ரவரி 10ஆம் தேதி அமேசான் பிரைம் ஓடிடி தளத்தில் 'மகான்' திரைப்படம் வெளியானது.
கேங்ஸ்டர் கதைக்களத்தில் உருவாகியுள்ள இந்தப் படத்தில் அனைவரது நடிப்பும் பாராட்டைப் பெற்றுள்ளது. எந்தவித கதாபாத்திரத்தையும் துணிச்சலுடன் ஏற்று நடிக்கும் விக்ரம், இந்தப் படத்திலும் தனது திறமையை வெளிக்காட்டியுள்ளார். அதேபோல துருவ் விக்ரமும் தனது தந்தைக்கு ஈடாக நடித்து கலக்கியுள்ளார்.
கார்த்திக் சுப்புராஜுக்கே உரிய ஸ்டைலில் இப்படம் அமைந்துள்ளது. சந்தோஷ் நாராயணன் இசை படத்திற்கு கூடுதல் பலத்தை சேர்த்திருக்கிறது.
ரஜினிகாந்த் உள்ளிட்ட பல்வேறு திரைப் பிரபலங்களும் திரைப்படத்துக்கு வாழ்த்துகளைத் தெரிவித்திருந்தனர், இந்நிலையில் 'மகான்' திரைப்படத்தின் வெற்றியை, விக்ரம் உள்ளிட்ட படக்குழுவினர் கேக் வெட்டி கொண்டாடினர். தற்போது இது தொடர்பான புகைப்படங்கள் சமூக வலைதளங்களில் வெளியாகி வைரலாகிவருகின்றன.
இதையும் படிங்க: யூ-ட்யூபில் சாதனை படைத்த 'காத்துவாக்குல ரெண்டு காதல்' டீசர்!
