அறிமுக இயக்குநர் தீபக் சுந்தர்ராஜன், விஜய் சேதுபதி, டாப்ஸியை வைத்து இயக்கியிருக்கும் படம் 'அனபெல் சேதுபதி'. இப்படத்தில் ராதிகா, யோகிபாபு, ஜெகதிபாபு, வெண்ணிலா கிஷோர், சுப்பு பஞ்சு, மதுமிதா, சுரேஷ் மேனன், தேவதர்ஷினி, சுரேகாவாணி உள்ளிட்ட பலர் நடித்துள்ளனர்.
ஹாரர் கலந்த காமெடி
பேஷன் ஸ்டுடியோஸ் சார்பில், சுதன் தயாரிக்கிறார். ஹாரர் கலந்த காமெடி படமாக உருவாகியுள்ள 'அனபெல் சேதுபதி' படத்தின் படப்பிடிப்பு சமீபத்தில் ஜெய்பூரில் நிறைவுபெற்றது.
கெளதம் ஜார்ஜ் ஒளிப்பதிவு செய்யும் இப்படத்திற்கு அறிமுக இசையமைப்பாளர் கிஷோர் இசையமைத்துள்ளார். போன ஜென்மத்தைக் கிளறும் பீரியட் கால ஃப்ளாஷ் பேக் படமாக உருவாகியுள்ளது. இதில் விஜய் சேதுபதி ராஜாவாக நடிக்கிறார்.
ஓடிடியில் நேரடி வெளியீடு
இந்நிலையில், 'அனபெல் சேதுபதி' படத்தின் ஃபர்ஸ்ட் லுக் போஸ்டர், வெளியாகும் தேதி தற்போது அதிகாரப்பூர்வமாக அறிவிக்கப்பட்டுள்ளது. அதன் படி இப்படம் நேரடியாக டிஸ்னி+ ஹாட்ஸ்டாரில் செப்டம்பர் 17ஆம் தேதி வெளியாகிறது.
மேலும் இப்படத்தை தமிழ், தெலுங்கு, இந்தி ஆகிய மொழிகளில் வெளியிட படக்குழுவினர் முடிவு செய்துள்ளனர்.
