விஜய் நடிப்பில் உருவாகியுள்ள திரைப்படம், 'மாஸ்டர்'. இயக்குநர் லோகேஷ் கனகராஜ் இயக்கியுள்ள இத்திரைப்படம் கரோனா ஊரடங்கு காரணமாக வெளியாகாமல் உள்ளது.
இதையடுத்து தளபதி 65 திரைப்படத்தை, இயக்குநர் ஏ.ஆர். முருகதாஸ் இயக்க உள்ளதாக கோலிவுட் வட்டாரத்தில் பரவலாகப் பேசப்பட்டது. ஆனால் விஜய் அப்படத்தின் கதைக்கு சம்மதம் தெரிவிக்கவில்லை என்று கூறப்படுகிறது.
இந்நிலையில் 'தளபதி 65' திரைப்படத்தை இயக்குநர் நெல்சன் இயக்க உள்ளதாகத் தகவல் வெளியாகியுள்ளது.
இயக்குநர் நெல்சன் தற்போது சிவகார்த்திகேயனின் 'டாக்டர்' திரைப்படத்தை இயக்கிவருவதால், அப்படத்தின் பணிகளை முடித்த பிறகு 'தளபதி 65' படத்தில் கவனம் செலுத்துவார் என்று எதிர்பார்க்கப்படுகிறது.
