'பீஸ்ட்'டில் நடித்து முடித்த விஜய்!

நெல்சன் இயக்கத்தில் நடைபெற்றுவரும் பீஸ்ட் திரைப்படத்தில் நேற்றுடன் விஜய் நடித்து முடித்ததாக படக்குழு தகவல் வெளியிட்டுள்ளதால், விரைவில் இறுதிகட்டப் பணிகள் தொடங்கும் என எதிர்பார்க்கப்படுகிறது.

'மாஸ்டர்' பட வெற்றியைத் தொடர்ந்து நடிகர் விஜய் நடிப்பில் உருவாகிவரும் திரைப்படம், 'பீஸ்ட்'.

நெல்சன் இயக்கிவரும் இப்படத்தை சன் பிக்சர்ஸ் நிறுவனம் தயாரித்துவருகிறது. நாயகியாக பூஜா ஹெக்டே நடிக்க இயக்குநர் செல்வராகவன், யோகி பாபு, விடிவி கணேஷ் உள்ளிட்டோர் முக்கியக் கதாபாத்திரங்களில் நடித்து வருகின்றனர்.

ஏற்கெனவே படத்தின் மூன்று கட்டப் படப்பிடிப்பு நிறைவடைந்த நிலையில், நான்காம் கட்டப் படப்பிடிப்பு சென்னையில் செட் அமைத்து நடைபெற்று வந்தது.

இந்நிலையில் நேற்றுடன் (டிசம்பர் 11) பீஸ்ட் படத்தில் விஜய் நடிக்கும் காட்சிகள் படமாக்கப்பட்டுவிட்டதாக படக்குழு அறிவித்துள்ளது.

இதனையடுத்து விரைவில் இறுதிகட்டப் பணிகளைத் தொடங்கி, திரையில் வெளியிட நடவடிக்கை எடுக்கப்படும் எனத் தெரிய வந்துள்ளது.

இதையும் படிங்க: Rajni Fan Boy: ரஜினியை நெஞ்சில் சுமக்கும் ஹர்பஜன்!