பிரபல தொலைக்காட்சியில் ஒளிபரப்பான பிக்பாஸ்-3 நிகழ்ச்சி மூலம் மக்கள் மனதில் இடம் பிடித்தவர் தர்ஷன். இவர் தான் டைட்டில் பட்டத்தை தட்டிச் செல்வார் என்று எதிர்பார்க்கப்பட்டது. ஆனால், குறைவான வாக்குகள் பெற்றதாகக் கூறி பாதி நிகழ்ச்சியில் இருந்து வெளியேற்றப்பட்டார்.
இதையடுத்து கமல்ஹாசன் தனது தயாரிப்பு நிறுவனமான ராஜ் கமல் பிலிம்ஸ் சார்பில் தர்ஷன் ஒரு படத்தில் நடிப்பார் என்று அறிவித்தார். நிகழ்ச்சி முடிந்த பிறகு தர்ஷன் படம் குறித்து அப்டேட் தெரிந்துகொள்ள அவரது ரசிகர்கள் ஆர்வமாக இருந்தனர். இந்த நிலையில் தற்போது தர்ஷன் தனது முதல் படம் குறித்த அறிவிப்பை விடியோவாக பேசி வெளியிட்டுள்ளார்.
அதில் அவர் கூறியிருப்பதாவது, "இந்த நாள் என் வாழ்க்கையில் மறக்க முடியாத நாள். இன்று தான் என் முதல் படத்திற்கு கையெழுத்திட்டுள்ளேன். நிறைய கதைகள் கேட்டேன். ஆனால் இந்தப் படத்தின் கதைதான் என் மனதுக்கு நெருங்கிய ஒன்றாக தெரிந்தது. உங்களுக்கும் இந்தக் கதை பிடிக்கும் என்று நம்புகிறேன்.
- View this post on Instagram
My life has been blessed. Thank you so much so much guys❤️. Love you all
">
இன்னும் ஓரிரு நாளில் படத்தின் ஃபர்ஸ்ட் லுக் போஸ்டர் வெளியாகும்" எனக் கூறியுள்ளார். தர்ஷனின் முதல் படம் குறித்த அறிவிப்புக்காக ரசிகர்கள் ஆவலாக உள்ளனர். மேலும் இந்த வீடியோ செம லைக்ஸ் பெற்று வைரலாகி வருகிறது.
இதையும் படிங்க: பிக்பாஸ் பிரபலம் முகின் ராவின் தந்தை காலமானார்!