பிக்பாஸ் அல்டிமேட் நிகழ்ச்சியானது டிஸ்னி பிளஸ் ஹாட்ஸ்டாரில் 24 மணி நேரமும் ஒளிபரப்பாகிக் கொண்டிருக்கிறது. 60 நாள்கள் நடைபெறும் இந்த நிகழ்ச்சியில் வனிதா, சினேகன், தாடி பாலாஜி, ஜூலி, நிரூப், அனிதா, அபிராமி உள்ளிட்ட பிரபலங்கள் கலந்துகொண்டுள்ளனர். இந்த ’பிக் பாஸ் அல்டிமேட்’ நிகழ்ச்சியை நடிகர் கமல் ஹாசன் தொகுத்து வழங்கிவந்தார்.
இந்நிலையில் தற்போது, தனது படப்பிடிப்புத் தேதிகளில் ஏற்பட்ட சிக்கல்களால் அதிலிருந்து விலகுவதாக கமல் ஹாசன் அறிவித்துள்ளார். இதையடுத்து அடுத்து இந்த நிகழ்ச்சியை யார் தொகுத்து வழங்குவார்கள் என ரசிகர்களிடையே மிகுந்த எதிர்பார்ப்பு இருந்துவந்தது. சிலர் ரம்யா கிருஷ்ணன் தொகுத்து வழங்குவார்கள் எனச் சமூக வலைதளத்தில் தகவல் பதிவிட்டுவந்தனர்.
இதனிடையே தற்போது நடிகர் சிம்பு பிக்பாஸ் அல்டிமேட் நிகழ்ச்சியைத் தொகுத்து வழங்கவுள்ளதாகத் தகவல் வெளியாகியுள்ளது. இது ரசிகர்களிடையே மிகுந்த எதிர்பார்ப்பை ஏற்படுத்தியுள்ளது. மேலும், இது சம்பந்தமான புரோமோவும் நாளை வெளியாகும் என ரசிகர்கள் ட்விட்டரில் ட்ரெண்ட் செய்துவருகின்றனர்.
இதையும் படிங்க : பிக்பாஸ்-இல் இருந்து ஓய்வு - கமல் அறிவிப்பு...!
