இயக்குநர் லோகேஷ் கனகராஜ் இயக்கத்தில் விஜய் நடிப்பில் உருவாகியுள்ள 'மாஸ்டர்' திரைப்படம் ரிலீஸுக்குத் தயாராகவுள்ளது. ஆனால், கரோனா வைரஸ் காரணமாக படத்தின் ரிலீஸ் தேதி குறிப்பிடப்படாமல் தள்ளி வைக்கப்பட்டுள்ளது. இதையடுத்து நான்காவது முறையாக இயக்குநர் ஏ.ஆர்.முருகதாஸ் இயக்கும் படத்தில் விஜய் நடிக்கவுள்ளார். சன் பிக்சர்ஸ் நிறுவனம் இப்படத்தை தயாரிக்கிறது.
இந்நிலையில் தற்போது இந்தக் கூட்டணியில் இசையமைப்பாளர் தமன் இணைந்துள்ளதாக, கடந்த சில நாட்களாக சமூக வலைதளங்களில் கிசுகிசுக்கப்பட்டது. இதையடுத்து இச்செய்தி குறித்து தமன், பிரபல தெலுங்கு தொலைக்காட்சிக்கு பேட்டியளித்துள்ளார்.
அதில், 'விஜய் படத்திற்கு நான் இசையமைக்கிறேன். கடந்த மூன்று ஆண்டுகளாக இதற்காக ஃபாலோஅப் நடைபெற்றது. தற்போது தான் அதற்கான சரியான நேரம் வந்துள்ளது. எனக்கு மகிழ்ச்சியாக உள்ளது. கரோனா அச்சுறுத்தல் முடிந்தவுடன், இது குறித்த அதிகாரப்பூர்வ அறிவிப்பு வெளியிடப்படும்’ என்று கூறியுள்ளார்.
தளபதி 65 திரைப்படம் 'துப்பாக்கி 2' திரைப்படமாக இருக்கலாம் என்று கோலிவுட் வட்டாரத்தில் பேசப்படுகிறது. இருப்பினும், அதுகுறித்த அதிகாரப்பூர்வ அறிவிப்பு வெளியாகவில்லை என்பது குறிப்பிடத்தக்கது.
இதையும் படிங்க: ட்விட்டரில் இருக்கிறேனா?- என்ன சொல்லுகிறார் செந்தில்!
