நடிகர் சூர்யா 'சூரரைப் போற்று' படத்திற்கு பிறகு பாண்டிராஜ் இயக்கிவரும் படத்தில் பிஸியாக நடித்து வருகிறார். தற்காலிகமாக 'சூர்யா 40' என அழைக்கப்படும் இப்படத்தை சன் பிக்சர்ஸ் நிறுவனம் தயாரிக்கிறது.
இதில் கதாநாயகியாக பிரியங்கா மோகன் நடிக்க, சூரி, திவ்யா துரைசாமி உள்ளிட்டோர் முக்கிய கதாபாத்திரங்களில் நடிக்கின்றனர்.
இந்நிலையில், சூர்யா இம்மாதம் 23ஆம் தேதி தனது 46ஆவது பிறந்தநாளைக் கொண்டாடுகிறார். இதனையொட்டி அவரின் 40ஆவது படத்தின் ஃபர்ஸ்ட் லுக் போஸ்டர் வெளியிடப்படும் எனக் கூறப்படுகிறது. இந்த செய்தியைக் கேட்ட அவரது ரசிகர்கள் உற்சாகமாக, இதனை சமூக வலைதளங்களில் கொண்டாடி, ட்ரெண்ட் செய்து வருகின்றனர்.
இதையும் படிங்க: ஒருவழியாக 2 ஆண்டுகளுக்குப் பிறகு வெளியான 'மஹா' டீசர்
