மூளையை கசக்கி ஆஹா சொன்னா 'நெஞ்சமுண்டு நேர்மையுண்டு ஓடு ராஜா' டைட்டில்தான்

சிவகார்த்திகேயன் தயாரிக்கும் புரொடக்ஷன் நம்பர் 2 படத்திற்கு 'நெஞ்சமுண்டு நேர்மையுண்டு ஓடு ராஜா' என பெயர் வைக்கப்பட்டுள்ளது.

எஸ்கே-2

Published : Mar 19, 2019, 12:53 PM IST

கனா படத்தின் வெற்றியைத் தொடர்ந்து நடிகர் சிவகார்த்திகேயன் தயாரிக்கும் புரொடக்ஷன் நம்பர் 2 படத்தின் பெயரை படக்குழுவினர் வெளியிட்டனர். பிளாக் சீப் குழுவினர் யூட்யூப் தளத்தில் பொழுதுபோக்கு நிகழச்சிகளை நடத்தி லட்சக்கணக்கான ரசிகர்களை கவர்ந்தனர். வெள்ளித்திரைக்கு கால்பதிக்க முயற்சித்து வந்தநிலையில் நடிகர் சிவகார்த்திகேயன் தயாரிக்கும் இரண்டாவது படத்தை இயக்கும் வாய்ப்பு பிளாக்சீப் குழுவினருக்கு கிடைத்தது.

இப்படத்தை கார்த்திக் வேணுகோபால் இயக்கிவருகிறார். சின்னத்திரையில் மக்களை கவர்ந்த ரியோ கதாநாயகனாக வெள்ளித்திரையில் அறிமுகமாகிறார். படத்தின் பெயரை வெளியிடாமல் எஸ்கே-2 என்ற பெயரில் படத்தின் டப்பிங் பணிகளை தொடங்கினர். மேலும், படத்தின் பணிகள் முடிவடைந்த நிலையில் பிளாக்சீப் குழுவினர் படத்தின் டைட்டிலை தேர்வுசெய்து அதற்கான ப்ரோமோ வீடியோவை ட்விட்டர் பக்கத்தில் வெளியிட்டனர்.

டிரெண்டிங்குக்கு ஏற்றார்போல் சூப்பர் டீலக்ஸ் படத்தின் டீசர் பாணியில் படத்தின் பெயரை அறிமுகம் செய்த விதம் அனைவரையும் கவர்ந்துள்ளது. தற்போது, சிவகார்த்திகேயன் தயாரிக்கும் புரொடக்ஷன் நம்பர் 2 படத்திற்கு 'நெஞ்சமுண்டு நேர்மையுண்டு ஓடு ராஜா' என பெயர் வைக்கப்பட்டுள்ளது.

பொழுதுபோக்கு அம்சத்துடன் கமர்ஷியல் படமாக உருவாகியுள்ள 'நெஞ்சமுண்டு நேர்மையுண்டு ஓடு ராஜா' திரைப்படம் ஏப்ரல் மாதம் வெளியாகும் என படத்தின் இயக்குநர் கார்த்திக் வேணுகோபால் தெரிவித்தார்.