பல்வேறு பிரச்னைகளுக்கு பிறகு நடிகர் சங்கத் தேர்தல் இன்று காலை தொடங்கியது. நடிகர், நடிகைகள், நாடக நடிகர்கள் என 3,171 பேர் வாக்களிக்கின்றனர். மாலை 5 மணி வரை நடக்கும் வாக்குப்பதிவுக்கு பலத்த பாதுகாப்பு போடப்பட்டுள்ளது.
நடிகர் சங்கத் தேர்தலில் தலைவர் பதவிக்கு பாண்டவர் அணி சார்பில் நாசர், பொதுச்செயலாளர் பதவிக்கு விஷால், பொருளாளர் பதவிக்கு கார்த்தி, துணைத் தலைவர் பதவிக்கு கருணாஸ், பூச்சி முருகன் ஆகியோர் போட்டியிடுகின்றனர்.
பாண்டவர் அணியை எதிர்த்து போட்டியிடும் சுவாமி சங்கரதாஸ் அணியில் தலைவர் பதவிக்கு பாக்யராஜ், பொதுச்செயலாளர் பதவிக்கு ஐசரி கணேஷ், பொருளாளர் பதவிக்கு பிரசாந்த், துணை தலைவர் பதவிக்கு குட்டி பத்மினி, உதயா ஆகியோர் போட்டியிடுகின்றனர்.
நடிகர் சங்கத் தேர்தல் நடைபெறுவதால் இன்று ஒருநாள் அனைத்து படப்பிடிப்புகளும் ரத்து செய்யப்பட்டுள்ளது.
