சிவகார்த்திகேயன் போல முகேனுக்கு எதிர்காலம் உண்டு - சூரி

நடிகர் சிவகார்த்திகேயனைப் போல 'வேலன்' பட நடிகர் முகேன் ராவ் எதிர்காலத்தில் உருவாவார் என சூரி தெரிவித்துள்ளார்.

பிக்பாஸ் முகேன் ராவ் நடித்துள்ள வேலன் படத்தின் ட்ரெய்லர் வெளியீட்டு விழா இன்று (டிசம்பர் 22) சென்னையில் உள்ள பிரபல கல்லூரியில் நடைபெற்றது.

இதில் முகேன் ராவ், பிரபு, இயக்குநர் கவின், சூரி, பிராங் ஸ்டார் ராகுல், தயாரிப்பாளர் கலைமகன் முபாரக், மீனாட்சி உள்ளிட்டோர் கலந்துகொண்டனர்.

இதில் பேசிய பிரபு, "முகேனுக்கு இது அருமையான வாய்ப்பு. முகேன் கடின உழைப்பாளி. நிச்சயம் இப்படம் இவருக்கு வெற்றிப் படமாக அமையும். முகேனுக்கு இவ்வளவு பெண் ரசிகைகள் இருப்பதைக் கண்டு பொறாமையாக உள்ளது" எனத் தெரிவித்துள்ளார்.

தொடர்ந்து பேசிய சூரி, "இயக்குநர் கவின் மிகவும் அற்புதமான மனிதர். முகேன் ஒரு சண்டாளன். சிவகார்த்திகேயன் போன்று முகேனுக்கும் ஒரு எதிர்காலம் உண்டு. அனைவரையும் அரவணைத்துச் செல்லும் மனது முகேனுக்கு உண்டு. அவர் வெற்றிபெற வாழ்த்துகள்" எனக் கூறினார்.

பின்னர் பேசிய முகேன், "வேலன் படம் எனக்கு மிகவும் நெருக்கமான ஒன்று. வேலன் படம் ரொம்ப நன்றாக வந்துள்ளது. குடும்பத்துடன் சென்று பார்க்கும்படி வேலன் அமைந்துள்ளது" எனத் தெரிவித்துள்ளார்.

இதையும் படிங்க: ஏகே ரசிகர்களுக்கு இன்று காத்திருக்கும் சூப்பர் சர்ப்ரைஸ்