தொடர்ந்து ஹிட் படங்களை கொடுத்து கேரளாவில் டாப் ஹீரோவாக வலம் வந்துகொண்டிருக்கும், மோகன்லாலின் திரைப் பயணம் அவ்வளவு சுலபமனது கிடையாது. பல சர்ச்சைகளை கடந்து திரைத்துறையில் இன்றும் நிலைத்து நிற்கிறார்.
இவர் மலையாளம் மட்டுமில்லாமல் தமிழ், தெலுங்கு, கன்னடம், இந்தி உள்ளிட்ட மொழிகளில், 300க்கும் மேற்பட்ட மொழிகளில் நடித்திருக்கிறார். மலையாளத் திரையுலகில் அதிக சம்பளம் பெறும் நடிகராக விளங்கும் இவரின் நடிப்பில் 2019ஆம் ஆண்டில் வெளியான லூசிபர் திரைப்படம், அதுவரை பாக்ஸ் ஆபிஸ் ஹிட்களை அடித்து நொறுக்கி அதிக லாபம் ஈட்டிய படமாக சாதனை படைத்தது. மலையாளத்தில் வெளியான திரைப்படங்களிலேயே அதிக பாக்ஸ் ஆபிஸ் ஹிட் கொடுத்த படங்களில் முதல் பத்து படங்களில் ஆறு படங்கள் மோகன்லாலின் படங்களே.
இந்திய சினிமாவிலேயே தனித்து நின்று கதைகளுக்காக திரைப்படங்களை உருவாக்கும் மலையாள சினிமாவின் டாப் ஸ்டாரான இவர், மற்ற மொழிகளில் ஹீரோவாக இல்லாமல் முக்கிய கதாபாத்திரங்களில் நடித்துக்கொண்டிருக்கிறார். இது மற்ற சினிமா ஹீரோக்களே செய்ய மறுக்கும் விஷயமாகும்.
இதனை ஒரு ஆரோக்கியமான முன்னெடுப்பாகவே சினிமா விமர்சகர்கள் பார்க்கின்றனர். தமிழில் இருவர் திரைப்படத்தில் கதாநாயகனாக நடித்த மோகன்லாலுக்கு மீண்டும் ஒரு முக்கிய கதாபாத்திரமாக கமல்ஹாசனின் உன்னைப்போல் ஒருவன் திரைப்படத்தில் அமைந்தது. அதையடுத்து இந்தி திரையுலகில் கால் பதித்த அவர், மீண்டும் ஜில்லா திரைப்படம் மூலம் தமிழில் களமிறங்கினார். கேரளாவில் மிகப் பெரிய ரசிகர் பட்டாளத்தை வைத்திருக்கும் விஜய்யுடன், இவர் நடித்த காட்சிகள் இரு மாநிலங்களிலும் நல்ல வரவேற்பை பெற்றது.
மலையாளத்தில் இவரது நடிப்பில் வெளியான புலிமுருகன் தெலுங்கில் மன்யம் புலி என டப் செய்யப்பட்டு சுமார் 500க்கும் மேற்பட்ட திரையரங்குகளில் வெளியானது. லூசிஃபர் திரைப்படமும் தமிழில் வெளியாவதற்கு முன்பே தெலுங்கில் வெளியானது.
ரஜினிகாந்த், கமல்ஹாசன் போன்ற நட்சத்திர நடிகர்கள் ஆரம்ப காலத்தில் பல கதாநாயகர்கள் அடங்கிய படங்களை தேர்வு செய்தனர். ஆனால் சிறிது காலத்துக்குப்பின்னர் அதை நிறுத்திவிட்டனர். ஆனால், மோகன்லால் இதைனை சக்சஸ் பார்முலாவாக பயன்படுத்தி வருகிறார்.
மேகன்லாலின் இந்த வெற்றி பார்முலாவை ப்ருத்திவிராஜ், நிவின் பாலி, துல்கர் சல்மான், ஃபகத் ஃபாசில் ஆகியோர் பயன்படுத்தி வருகின்றனர்.
பிரபல ஹீரோக்கள் கூட மற்ற மொழி படங்களில் நடிக்க யோசிக்கும் சூழலில் தனது நடிப்பின் மீது நம்பிக்கை கொண்டு கதாபாத்திரத்தின் முக்கியத்துவம் அறிந்து அனைத்து மொழி சினிமாக்களிலும் தன்னை நிலைநிறுத்தி இருக்கும் லாலேட்டன் மோகன்லாலுக்கு பிறந்தநாள் வாழ்த்துகள்.
இதையும் படிங்க: மூச்சை இழுங்க... 8 வரை எண்ணுங்க: நடிகர் சிவக்குமார் தரும் கரோனா டிப்ஸ்!
