'பேட்ட' திரைப்படத்தின் மூலம் தமிழ்த் திரையுலகுக்கு அறிமுகமானவர், மாளவிகா மோகனன். இவர் மலையாளம், கன்னட சினிமாவிலும் முன்னணி நாயகியாக வலம் வந்தவர். தற்போது விஜய் நடிப்பில் 'மாஸ்டர்' திரைப்படத்தில் கதாநாயகியாக நடித்த மாளவிகா திரைப்படத்தின் வெளியீட்டுக்காக காத்திருக்கிறார்.
தனது சமூக வலைதளப் பக்கங்களில் ஆக்டிவாக வலம் வரும் மாளவிகா, அவ்வப்போது தனது புகைப்படங்களை வெளியிட்டு ரசிகர்களுக்கு ட்ரீட் வைப்பார். இந்நிலையில் நேற்று ரசிகர்கள் கேட்கும் கேள்விக்கு, தனது சமூக வலைதளத்தில் மாளவிகா விடையளித்து வந்தார்.
அப்போது ரசிகர் ஒருவர் மாளவிகாவுக்குப் பிடித்த இயக்குநர் குறித்து கேள்வி எழுப்பினார். அதற்கு விடையளிக்கும் வகையில், மணிரத்னம் இயக்கிய 'அலைபாயுதே' திரைப்படத்தின் புகைப்படத்தைப் பகிர்ந்து, தனக்குப் பிடித்த இயக்குநர் யார் என்பதை தெரிவித்தார்.
இதையும் படிங்க... 'இதைத்தான் நான் எதிர்பார்த்தேன்!'- நெகிழ்ந்துபோன 'மாஸ்டர்' நாயகி
