நடிகர் சிம்பு நடித்துவரும் 'மாநாடு' படத்தின் படப்பிடிப்பு இறுதிக்கட்டத்தை நெருங்கிவிட்டது. சமீபத்தில் ’மாநாடு’ படத்தின் முதல் சிங்கிள் பாடல் வெளியாகி மிகப்பெரிய ஹிட்டானது .
இந்நிலையில் 'மாநாடு' படத்தின் அடுத்த கட்ட பணிகள் தற்போது தொடங்கியுள்ளன. அதன்படி படத்தின் டப்பிங் பணிகள் தொடங்கியுள்ளதாக, நடிகை கல்யாணி பிரியதர்ஷன் தனது இன்ஸ்டாகிராம் பக்கத்தில் தெரிவித்துள்ளார்.
'மங்காத்தா' படத்தை விட, 'மாநாடு' படத்தின் பட்ஜெட் பெரியது என படக்குழு கூறியதால், படத்தின் மீதான எதிர்பார்ப்பு ரசிகர்கள் மத்தியில் அதிகரித்துள்ளது.
சுரேஷ் காமாட்சி தயாரிக்கும் இதில் பாரதிராஜா, எஸ்.ஜே. சூர்யா உள்ளிட்டோர் நடிக்கின்றனர். விரைவில் படத்தின் கூடுதல் தகவல்கள் வெளியாகும் என எதிர்பார்க்கப்படுகிறது.
இதையும் படிங்க: ‘மெஹ்ரேஸிலா’ - மாநாடு படத்தின் முதல் சிங்கிள் வெளியீடு!
