சென்னை: லெஜண்ட் சரவணா ஸ்டோர்ஸ் உரிமையாளர் சரவணன் அருள் நடிக்கும் 'Production Number 1' திரைப்படத்தின் படப்பிடிப்பு விறுவிறுப்பாக நடைபெற்று வருகிறது. சரவணன் தயாரித்து நடிக்கும் இந்தப் படத்தை இரட்டை இயக்குநர்கள் ஜேடி-ஜெர்ரி ஆகியோர் இயக்குகின்றனர். இந்தப் படத்துக்கு ஹாரிஸ் ஜெயராஜ் இசையமைக்க, வேல்ராஜ் ஒளிப்பதிவு செய்கிறார்.
இப்படத்தில் சரவணனுக்கு ஜோடியாக அறிமுக நடிகை கீத்திகா திவாரி நடிக்கிறார். மேலும், நடிகர்கள் பிரபு, நாசர், மயில்சாமி உள்ளிட்டோர் முக்கியக் கதாபாத்திரங்களில் நடிக்கின்றனர். மறைந்த நகைச்சுவை நடிகர் விவேக்கும் இப்படத்தில் நடித்துள்ளார்.
இப்படத்தின் ஃபர்ஸ்ட் லுக் மோஷன் போஸ்டர் நாளை (மார்ச் 4) வெளியாகும் எனப் படக்குழு அறிவித்திருந்தது. இந்நிலையில் இப்படத்தின் ஃபர்ஸ்ட் லுக் மோஷன் போஸ்டர் இணையத்தில் லீக்கானது. இது படக்குழுவினரை அதிர்ச்சியில் ஆழ்த்தியுள்ளது. படத்தலைப்புடன் கூடிய வீடியோ வெளியானதால் படக்குழுவினர் அப்செட்டில் உள்ளனர்.
இதையும் படிங்க: கேஜிஎஃப் 2 - ட்ரைலர் ரிலீஸ் தேதி அறிவிப்பு!
