மலையாளத்தில் 'மணிசித்திரத்தலு', கன்னடத்தில் 'ஆப்தமித்ரா' என்ற பெயரில் வெளியாகி சூப்பர் ஹிட்டான திரைப்படம், தமிழில் ரஜினி நடித்து 'சந்திரமுகி' என்ற பெயரில் வெளியாகி மாஸ் ஹிட்டானது. தமிழைத் தொடர்ந்து பாலிவுட்டில் அக்ஷய் குமார், வித்யா பாலன் நடிப்பில் 'பூல் புலையா' என்ற பெயரில் இத்திரைப்படம் ரீமேக் செய்யப்பட்டது. இப்படத்தை மலையாள இயக்குநர் பிரியதர்ஷன் இயக்கியிருந்தார். மற்ற மொழிகளைப் போலவே பாலிவுட்டிலும் படம் மாபெரும் வெற்றிபெற்றது.
இதைத்தொடர்ந்து இந்தப் படத்தின் அடுத்த பாகமான 'பூல் புலையா-2'வை அனீல் பாஸ்மி இயக்குகிறார். இதில் கார்த்திக் ஆர்யன், கியாரா அத்வானி, தபு உள்ளிட்டோர் முக்கியக் கதாபாத்திரங்களில் நடிக்கின்றனர். 'பூல் புலையா 2' சீரிஸ் சார்பில் பூஷன் குமார், முராத் கெதானி, கிருஷ்ணன் குமார் ஆகியோர் இதனை இணைந்து தயாரிக்கின்றனர்.
- " class="align-text-top noRightClick twitterSection" data="View this post on Instagram
Pyaar mein itne bhi andhe mat ho jao, Ki Chudail bhi na dikhein 😍🤣 #BhoolBhulaiyaa2 ☠️🔥
">
ராஜஸ்தான் மாநிலம் ஜெய்பூரில் விறுவிறுப்பாக நடைபெற்று வரும் இப்படத்தின் படப்பிடிப்பில், சமீபத்தில் கார்த்திக் ஆர்யன் கலந்துகொண்டார். தற்போது தனது சமூகவலைதளப் பக்கத்தில் கியாராவுடன் ரொமான்ஸ் செய்யும் புகைப்படத்தை அவர் பதிவிட்டுள்ளார். அதில், பேய் பிடித்தவளாக பார்க்கவேண்டாம். காதலில் குருடாக இருக்கவேண்டாம் என்று பதிவிட்டுள்ளார்.
'பூல் புலையா 2' படத்தில் கார்த்திக், முதல் பாகத்தில் அக்ஷய் குமார் நடித்த கதாபாத்திரத்தில் நடிக்கிறார். 'பூல் புலையா 2' படத்தை 2020ஆம் ஆண்டு, ஜூலை 31ஆம் தேதி வெளியிட படக்குழு முடிவு செய்துள்ளது.
