'இரும்புத்திரை', 'ஹீரோ' ஆகிய படங்களை இயக்கியவர் பி.எஸ். மித்ரன். இவர் இப்படங்களைத் தொடர்ந்து கார்த்தியை வைத்து 'சர்தார்' என்னும் தனது அடுத்த படத்தை இயக்கவுள்ளார்.
இப்படம் கார்த்தியின் 22ஆவது படமாகும். இப்படத்தில் ராஷிகண்ணா, ‘கர்ணன்’ ரஜிஷா விஜயன் என இரண்டு கதாநாயகிகள் நடிக்கின்றனர். மேலும், சிம்ரன், முரளி ஷர்மா, முனீஷ்காந்த், இளவரசு உள்ளிட்ட பலர் முக்கியக் கதாபாத்திரங்களில் நடிக்கிறார்கள். பிரபல இந்தி நடிகர் சுன்கி பாண்டே (Chunky Panday) முதல் முறையாக தமிழ் படத்தில் வில்லன் வேடத்தில் தோன்றுகிறார்.
பிரின்ஸ் பிக்சர்ஸ் சார்பில் எஸ். லக்ஷ்மன்குமார் இப்படத்தை தயாரிக்கிறார். ஜி.வி. பிரகாஷ் இசையமைக்கும் இந்தப் படத்திற்கு ஜார்ஜ் சி வில்லியம்ஸ் ஒளிப்பதிவு செய்கிறார்.
இந்தப் படத்தின் மோஷன் போஸ்டர் நேற்று (ஏப். 25) வெளியானது. இந்நிலையில், இப்படத்தின் படப்பிடிப்பு இன்று (ஏப். 26) தொடங்கியுள்ளது.
'சர்தார்' படத்தின் கதை வெவ்வேறு விதமான இடங்களில் பிரமாண்டமான சண்டை காட்சிகளுடன் நடப்பதால், தென்காசி தொடங்கி சென்னை, வட இந்தியாவின் பல்வேறு இடங்களில் படப்பிடிப்பினை நடத்த படக்குழுவினர் திட்டமிட்டு இருக்கின்றனர்.
