நேரம், பிரமேம் படங்களை இயக்கியதன் மூலம் பிரபலமாக அறியப்படுபவர் அல்போன்ஸ் புத்ரன். இவர் சமூக வலைதளங்களில் மிகவும் ஆக்டிவாக இருக்கக்கூடியவர். இவர் சமீபத்தில் கமல்ஹாசனிடம் ‘மைக்கேல் மதன காமராஜன்’ படத்தை எப்படி எடுத்தீர்கள் என்று கூறமுடியுமா என கேட்டிருந்தார். இதற்கு கமல்ஹாசனும் அதுகுறித்து கூறுவதாக தெரிவித்திருந்தார்.
தற்போது ‘மைக்கேல் மதன காமராஜன்’ படம் குறித்து விரிவான விளக்கத்தை கமல்ஹாசன் அளித்துள்ளார். கமல் தனது பேஸ்புக் பக்கத்தில் அல்போன்ஸ் புத்ரனை டேக் செய்து, படம் குறித்த விரிவான விளக்கத்தை அளித்துள்ளார்.
இந்தப் படத்தின் இறுதிக் காட்சி உருவான விதம், பாடல் உருவான விதம் என பல்வேறு விளக்கங்களை அளித்துள்ளார். கமல்ஹாசனின் பதிவு சமூக வலைதளங்களில் வைரலாகி வருகிறது.
1991ஆம் ஆண்டு வெளியான ‘மைக்கேல் மதன காமராஜன்’ படத்தை சிங்கீதம் சீனிவாச ராவ் இயக்கியிருந்தார். கமல், குஷ்பு, ஊர்வசி, ரூபினி என ஒரு நட்சத்திர பட்டாளமே இப்படத்தில் நடித்திருந்தது. இளையராஜா இசையில் பாடல்கள் எல்லாம் செம ஹிட்.
இதையும் படிங்க: தெலுங்கில் அடுத்தடுத்து கமிட்டான தனுஷ்
