திரைப்பட வெளீயிட்டிற்கு முன்பே ரசிகர்களிடையே ஏராளமான வரவேற்புகளை பெற்று வருகிறது சாஹோ திரைப்படம். இயக்குநர் சுஜுத் இயக்கத்தில் யுனி கிரியேஷன் தயாரிப்பில் வெளியாக இருக்கும் இப்படத்தில் பிரபல நடிகர் பிரபாஸும் பாலிவுட் நாயகி ஷ்ரத்தா கபூரும் நடித்துள்ளனர். தமிழ், தெலுங்கு, இந்தி ஆகிய மொழிகளில் வெளிவர இருக்கும் இப்படத்தின் ட்ரெய்லர் ரசிக பெருமக்கள் மத்தியில் வைரலாக பரவியது.
பின்னர் வௌிவந்த இப்படத்தின் காதல் சைக்கோ பாடலால் அனிருத்தின் குரல் இந்த தேசத்தின் மூலை முடக்குகளிலெல்லாம் எதிரொலித்து. தற்போது அந்த இரண்டு வெற்றியையும் சேர்த்து முறியடிக்க பாலிவுட் அழகி ஜாக்குலின் பெர்னாண்டஸும் பாகுபலி் அரசன் பிரபாஸும் இணைந்து கலக்கிய பேட் பாய் பாடல் வீடியோ திரையிடப்பட்டு ரசிகர்களின் மத்தியில் களைகட்ட காத்திருக்கிறது. பாட்ஷா, நீதி மோகன் ஆகியோர் பாடிய இந்த பாடல் அதிரடி-த்ரில்லரில் படத்தின் ஒரு முக்கியமான சண்டைக் காட்சியின் பின்னணியில் நெருங்கி வருகிறது.
பாடலைப் பற்றிப் பேசிய ஜாக்குலின் பெர்னாண்டஸ், "மற்றொரு தொழில்முறை பணிக்காக ஐரோப்பாவில் இருந்த போது குரோஷியாவில் சாஹோ அணியைச் சந்தித்தேன்; எனது எல்லா பாடல்களுக்கும் முன்கூட்டியே ஒத்திகை பார்ப்பது எனக்கு மிகவும் பிடிக்கும்; ஆனால் அதற்கான வாய்ப்பு இந்த பாடலுக்கு கிடைக்கவில்லை. இந்த வாய்ப்பு வந்தபோது நான் ஏற்கனவே இன்னோரு படப்பிடிப்பில் இணைந்திருந்தேன். நான் பிரபாஸுடன் இணைந்து நடிப்பதில் ஆர்வமாய் இருந்ததால், இந்த பாடல் எனக்கு வழங்கப்பட்டபோது நான் பெரு மகிழ்ச்சியடைந்தேன். குறுகிய கால இடைவௌியில் தொடங்கப்பட்ட இப்பாடலின் படப்பிடிப்பு இரண்டே நாட்களில் முடிந்தது" என்றார்.
