லேடி சூப்பர் ஸ்டார் நயன்தாரா நடிப்பில் 2018ஆம் ஆண்டு வெளியான திரைப்படம் ’கோலமாவு கோகிலா’. இயக்குநர் நெல்சன் திலீப்குமார் இயக்கத்தில் வெளியான இப்படம் வசூல் ரீதியாகவும், விமர்சன ரீதியாகவும் நல்ல வரவேற்பைப் பெற்றது. தொடர்ந்து இப்படம் இந்தியில் ரீமேக் செய்ய முடிவு செய்யப்பட்டுள்ளதாக அறிவிக்கப்பட்டது.
இந்நிலையில் பாலிவுட்டில் ரீமேக் செய்யப்படும் இப்படத்தில் கதாநாயகியாக யார் நடிப்பார்கள் என்று தெரிந்துகொள்ள ரசிகர்கள் ஆவலாக இருந்தனர். அதன்படி நயன்தாரா நடித்த இக்கதாபாத்திரத்தில் ஜான்வி காபூர் நடிக்கவுள்ளதாகத் தெரிவிக்கப்பட்டுள்ளது. சித்தார்த் சென் குப்தா இயக்கும் இப்படத்தை, ஆனந்த் எல். ராய் தயாரிக்கிறார்.
தொடர்ந்து இப்படத்தின் படப்பிடிப்பு அடுத்த ஆண்டு ஜனவரி மாதம் 9ஆம் தேதிமுதல் பஞ்சாபில் தொடங்கவுள்ளதாகப் படக்குழு தரப்பிலிருந்து தெரிவிக்கப்பட்டுள்ளது.
ஒரே கட்டமாக பஞ்சாபில் படப்பிடிப்பு நடத்திமுடிக்க படக்குழு ஏற்பாடு செய்துள்ளதாகக் கூறப்படுகிறது. தமிழைத் தொடர்ந்து இத்திரைப்படம் இந்தியிலும், வெற்றியடைகிறதா? என்பதைப் பொருத்திருந்து பார்ப்போம்.
இதையும் படிங்க: இறுதிகட்ட பணியில் 'சினம்'... திரையரங்கில் சந்திப்போம்: 'பாரி வெங்கட்'டின் லேட்டஸ் ட்வீட்
