தெறி, மெர்சல் ஆகிய படங்களின் வெற்றியைத் தொடர்ந்து விஜய் - அட்லி கூட்டணியில் வெளியாகவுள்ள திரைப்படம் 'பிகில்'. பெண்களின் கால்பந்து விளையாட்டை மையமாக வைத்து உருவாகிவரும் இப்படத்தில் விஜய் பயிற்சியாளராக நடிக்கிறார். விஜய்க்கு ஜோடியாக நயன்தாரா நடிக்கிறார்.
மேலும் இந்துஜா, யோகி பாபு, கதிர், ஷாக்கி ஷெராஃப், விவேக் உள்ளிட்ட பலரும் நடித்துள்ளனர். ஏ.ஆர் ரகுமான் இசையமைத்துள்ளார். தீபாவளி விருந்தாக அக்.25 ஆம் தேதி வெளியாகும் இப்படத்திற்கு தணிக்கை குழு யு/ஏ சான்றிதழ் வழங்கியுள்ளது.
இந்தப் படத்தில் விஜய் தனது குரலில் பாடியுள்ள 'வெறித்தனம்' பாடல் ரசிகர்கள் மத்தியில் பெரும் வரவேற்பைப் பெற்றுள்ளது. இந்நிலையில், இப்பாடலுக்கு சென்னையில் உள்ள ஐடி நிறுவன ஊழியர்கள் வெறித்தனம் பாடலுக்கு நடனமாடியுள்ளனர். இந்த வீடியோ சமூகவலைதளங்களில் வைரலாகி வருகிறது.
இதையும் வாசிங்க: 'வெறித்தனம்' பாடலுக்கு ஆடி வைரலாகிய மலையாள நடிகர்!
