நடிகை நயன்தாரா முதன் முதலாக இரட்டை வேடத்தில் நடித்து வெளிவர இருக்கும் படம் 'ஐரா'. இப்படத்தின் ஃபர்ஸ்ட் லுக் மற்றும் டீஸர் மூலம் ரசிகர்கள் மத்தியில் பெரிய எதிர்பார்ப்பு உண்டாகி இருக்கிறது.
ஏற்கனவே இப்படத்தின் சிங்கிள் டிராக் வெளியானது. இந்நிலையில் 'பவானி கீதம்' என்று அழைக்கப்படும் 'மேகதூதம்' சிங்கிள் பாடல் இசை அனைத்து தரப்பினர் இடையே வரவேற்பு பெற்றுள்ளது.
இப்பாடல் பற்றி இயக்குனர் கே எம் சர்ஜூன் கூறியதாவது, 'பவானி' என்ற கதாபாத்திரத்தின் உணர்ச்சிகளை அழகாக வெளிப்படுத்தும் இப்பாடல். அவளுடைய கனவுகள், தனக்கு பிடித்த ஆன்மாவுடனான மகிழ்ச்சியான ஒரு வாழ்க்கைக்காக ஏங்குவது போன்றவற்றை வெளிப்படுத்தும் பாடல்.
இந்த அழகான பாடலை கொடுத்த தாமரை எப்பொழுதும் உணர்ச்சிகளின் அமுதம், அவரின் பாடல் வரிகள் மூலம் நிபந்தனையற்ற அன்பின் மேன்மையை உயர்த்தியுள்ளார்.
காட்சிகளும், பாடலின் சூழ்நிலையும் மற்றும் நயன்தாராவின் பிரம்மாண்டமான திரை ஆளுமையும் பாடலுக்கு கூடுதல் மைலேஜாக இருக்கும் என நம்புகிறேன் என்றார்.
தொடர்ந்து நயன்தாராவின் நடிப்பைப் பற்றி அவர் கூறியதாவது, இது அவரது 63ஆவது திரைப்படமாகும். படத்தை இயக்கும்போது அவரது நடிப்பை ஒரு ரசிகராக பார்த்து வியந்தேன். அவர் தன் நடிப்பை தொடர்ந்து மேம்படுத்திக் கொண்டே இருக்கிறார்.
இந்த படத்தில் நயன்தாராவை இரு பரிமாணங்களில் பார்கலாம், குறிப்பாக 'பவானியின்' கதாபாத்திரத்தை பார்த்து ரசிகர்கள் உற்சாகமடைவார்கள் என நான் உறுதியாக நம்புகிறேன் என்றார்.
