தமிழ் சினிமாவில் வித்தியாசமான கதைகளைத் தேர்வு செய்து நடித்து வருபவர்களில் ஒருவர் அருள்நிதி. இவர் நடிப்பில் கடைசியாக, 'களத்தில் சந்திப்போம்' திரைப்படம் வெளியாகி நல்ல வரவேற்பைப் பெற்றது.
இதனையடுத்து அருள்நிதி தற்போது அறிமுக இயக்குநர் இன்னாசி பாண்டியன் இயக்கியுள்ள, 'டைரி' படத்தில் நடித்துள்ளார். பைவ் ஸ்டார் நிறுவனம் தயாரிக்கும் இப்படத்தில் பவித்ரா கதாநாயகியாக நடித்துள்ளார்.
இந்நிலையில் இப்படத்தின் டீசர் சமீபத்தில் வெளியானது. அதில், 'நேரத்தை நம்மால் நிறுத்த முடியாது. ஆனால் நேரம் நம்மை எங்கே வேண்டுமானாலும் கொண்டுபோய் நிறுத்தும்' என வசனம் இடம்பெற்றுள்ளது.
இந்த வசனம் ரசிகர்களுக்குப் படத்தின் மீதான ஆர்வத்தைத் துண்டும் வகையில் அமைந்துள்ளது. டீசர் வெளியான சில நாள்களிலேயே 500k (5 லட்சம்) பார்வையாளர்களைக் கடந்து சாதனை படைத்து வருகிறது.
இதையும் படிங்க: 19 ஆண்டுகளுக்குப் பிறகு உருவாகும் சுந்தரா டிராவல்ஸ் 2’
