விஜய் நடிப்பில் உருவான ‘தமிழன்’ படத்தின் மூலம் இசையமைப்பாளராக அறிமுகமானவர் இமான். அதே படத்தின் வாயிலாக கதாநாயகியாக அறிமுகமானவர்தான் பிரியங்கா சோப்ரா. இதில் பலரும் அறியாத சுவாரஸ்ய தகவல் என்னவென்றால், பிரியங்கா அந்தப் படத்திலேயே பாடகியாகவும் அறிமுகமாகியிருக்கிறார்.
தமிழன் படத்தில் இடம்பெற்ற ‘உள்ளத்தை கிள்ளாதே’ என்ற பாடலை விஜய்யும் பிரியங்காவும் சேர்ந்து பாடியிருப்பார்கள். இந்தப் பாடல் நல்ல வரவேற்பை பெற்று ஹிட்டானது. ஆனால், பிரியங்கா சோப்ரா என்ற நடிகையையும் தமிழ் சினிமா கண்டுகொள்ளவில்லை; அவருக்குள் இருந்த நல்ல பாடகியையும் யாரும் கண்டுகொள்ளவில்லை.
பிரியங்கா சோப்ரா தற்போது தனியாக மியூசிக் ஆல்பம் போடும் அளவு வளர்ந்திருக்கிறார். ஆனால், அதற்கான விதை போட்டது நம் இசையமைப்பாளர் இமான் தான். இதுகுறித்து இமான் தனது பேஸ்புக் பக்கத்தில், பழைய நினைவுகளை மீட்டெடுக்கும் புகைப்படம். 20 ஆண்டுகளுக்கு முன்பு நான் அறிமுகமான விஜய் அண்ணாவின் ‘தமிழன்’ பாடல் பதிவின்போது எடுக்கப்பட்டது. பிரியங்கா சோப்ரா பாடகியாக அறிமுகமானது இதில்தான் (உள்ளத்தை கிள்ளாதே) என குறிப்பிட்டுள்ளார்.
இதையும் படிங்க: பணம் எனும் மந்திரம்: நூல் வெளியீட்டு விழாவில் கவிஞர் யுகபாரதி
