தர்மபிரபு, கூர்கா, ஜாம்பி ஆகிய படங்களைத் தொடர்ந்து தற்போது "பட்லர் பாலு" படத்தில் முக்கிய கதாபாத்திரத்தில் நடித்துள்ளார் யோகி பாபு. அவரோடு இமான் அண்ணாச்சி, மயில்சாமி, ரோபோ சங்கர், தாடிபாலாஜி ஆகியோரும் நடித்துள்ளனர்.
![Butler balu](https://etvbharatimages.akamaized.net/etvbharat/prod-images/tn-che-02-butlerballu-november8threlease-script-7204952_30102019114700_3010f_1572416220_342.jpg)
இந்தப் படம் குறித்து இயக்குநர் சுதிர் கூறுகையில், முழுக்க முழுக்க நகைச்சுவையை அடிப்படையாகக் கொண்டு தயாரிக்கப்பட்டுள்ள இந்த படத்தில் கல்யாண வீடுகளில் சமையல் செய்யும் சமையல்காரர் கதாபாத்திரத்தில் நடித்துள்ளார் யோகிபாபு. எப்படி நடிகர் நாகேஷுக்கு ’சர்வர் சுந்தரம்’ படம் மிக முக்கியமான படமாக அமைந்ததோ, அதேபோல் யோகிபாபுவிற்கு இந்த ‘பட்லர் பாலு’ படம் அமையும்.
![Butler balu](https://etvbharatimages.akamaized.net/etvbharat/prod-images/tn-che-02-butlerballu-november8threlease-script-7204952_30102019114700_3010f_1572416220_490.jpg)
சமையல் வேலைக்காக சென்ற திருமண மண்டபத்தில் மணப்பெண்ணை யோகி பாபுவின் நண்பர்கள் கடத்தி விடுகிறார்கள். அதனால் போலீஸ் அவரை கைது செய்துவிடுகிறது. போலீசிடம் இருந்து எப்படி வெளியே வந்தார் என்பதை ஒரு இரவுக்குள் நடக்கும் படி காமெடி கலந்த திரைக்கதையாக “பட்லர் பாலு“ உருவாக்கப்பட்டுள்ளது.
![Butler balu](https://etvbharatimages.akamaized.net/etvbharat/prod-images/tn-che-02-butlerballu-november8threlease-script-7204952_30102019114700_3010f_1572416220_845.jpg)
நவம்பர் 8ஆம் தேதி ரிலீசாக உள்ள இந்த படத்தை அனைவரும் குடும்பத்துடன் பார்க்கலாம், அந்த அளவிற்கு காமெடி கலாட்டாவாக இருக்கும் என தெரிவித்துள்ளார்.
இதையும் படிங்க: எகிப்தில் வெளியாகும் முதல் தமிழ் திரைப்படம் 'பிகில்'!