நடிகர் பரத் காவல் உயர் அலுவலராக நடித்து, வருகின்ற வாரம் வெளியாகவுள்ள திரைப்படம் 'காளிதாஸ்'. இப்படத்தின் வெளியீட்டுக்கு முன்னதாக பாலிவுட்டின் முன்னணி நடிகரான சல்மான் கானையும் நடிகரும் இயக்குநருமான பிரபு தேவாவையும் நடிகர் பரத் சந்தித்தார். அப்போது அவர்களுடன் புகைப்படம் எடுத்துக் கொண்டார்.
இதைத்தொடர்ந்து 'காளிதாஸ்' படத்தின் ட்ரெய்லரை பாராட்டி படம் வெற்றியடைய பரத்தை இருவரும் வாழ்த்தினர்.
பாலிவுட்டில் 'ஜாக்பாட்' என்னும் திரைப்படத்தில் 2013இல் அறிமுகமான பரத் தற்போது பிரபு தேவா இயக்கும் 'ராதே' திரைப்படத்தில் நடிக்கவுள்ளார். இத்திரைப்படத்தில் சல்மான் கான் கதாநாயகன் என்பது குறிப்பிடத்தக்கது.
இதையும் படிங்க: சமூக வலைதளங்களை விட்டு விலகுகிறார் இயக்குநர் சுசீந்திரன் - இதான் காரணமாம்
