'குற்றம் 23' படத்திற்கு பிறகு அருண் விஜய்- அறிவழகன் கூட்டணி புதிய படத்தில் இணைந்துள்ளது. அதிக பொருள்செலவில் தயாராகும் ஸ்பை ஆக்ஷன் த்ரில்லரான இப்படத்தில் அருண் விஜய்யுடன் ரெஜினா, புதுமுகம் ஸ்டெஃபி பட்டேல், பக்ஸ் பகவதி ஆகியோர் நடித்துள்ளனர்.
இந்தத் திரைப்படத்தின் இறுதிக்கட்ட படப்பிடிப்பு டெல்லியில் பிரமாண்டமாக நடந்துள்ளது. சுமார் 3000க்கும் மேற்பட்ட துணை நடிகர்களை கொண்டு கிரிக்கெட் மைதானம் ஒன்றில் படத்தின் இறுதி காட்சிகள் எடுக்கப்பட்டுள்ளன. அனைவருக்கும் கரோனா பரிசோதனை செய்யப்பட்டு படப்பிடிப்பு நடைபெற்று வந்தது.
தற்போது இப்படத்தின் படப்பிடிப்பு நிறைவடைந்துள்ளது. இதுகுறித்து அருண் விஜய் கூறுகையில், "எப்போதுமே சினிமா ஒரு கூட்டு முயற்சிதான். இந்த இக்கட்டான சூழலில் இப்படத்தை முடிப்பதில் எனக்கு உறுதுணையாக இருந்த இயக்குநர், நாயகி ரெஜினா, படக்குழுவினர் அனைவருக்கும் நன்றி. அறிவழகனின் படங்களில் அடுத்தக்கட்ட படமாக இப்படம் இருக்கும். இந்தத் தைத் திருநாள் நம் தமிழ் சினிமாவுக்கு புது பாய்ச்சலை தரும் என நம்புகிறேன்" என்றார்.
இதையும் படிங்க... ஹரியுடன் அருண் விஜய் கூட்டணி
