ஏஆர் முருகதாஸ் இயக்கத்தில் முதன் முதலில் ரஜினி நடிக்கும் திரைப்படம் ’தர்பார்’. இந்த படத்தின் முதற்கட்ட படப்பிடிப்பு முடித்துள்ள நிலையில், ஏஆர் முருகதாஸ் இயக்க போகும் அடுத்த படம் குறித்த தகவல் தற்போது வெளியாகி உள்ளது.
தர்பாருக்கு அடுத்து ஏஆர் முருகதாஸ் இயக்க போகும் புதிய படத்தில் தெலுங்கில் முன்னணி நடிகரானஅல்லு அர்ஜுன் கதாநாயகராக நடிக்க உள்ளதாக தகவல் வெளியாகியுள்ளது. அல்லு அர்ஜுன் ஏற்கனவே தமிழ் படங்களில் நடிக்க ஆர்வம் காட்டி வருகிறார். இந்நிலையில், தற்போது ஏஆர் முருகதாஸ் உடன் அல்லு அர்ஜுன் இணைந்து பணியாற்ற உள்ளதாகவும், இந்த படம் தமிழ், தெலுங்கு ஆகிய இரண்டு மொழிகளிலும் தயாரிக்க உள்ளதாகவும் கூறப்படுகிறது.
