‘லட்சுமி’ மற்றும் ‘மா’ குறும்படங்களின் மூலம் பரவலான கவனத்தைப் பெற்றவர் கே.எம்.சர்ஜுன். இவா் வரலட்சுமி சரத்குமார், சத்யராஜ் நடிப்பில் வெளியான ‘எச்சரிக்கை: இது மனிதர்கள் நடமாடும் இடம்’ மூலம் பெரிய திரையில் இயக்குநராக அறிமுகமானார்.
தற்போது சர்ஜுன் இயக்கி நயன்தாரா இரு வேடத்தில் நடிக்கும் ‘ஐரா’ என்ற படத்தைத் 'அறம்' படத்தைத் தயாரித்த கேஜேஆர் ஸ்டுடியோஸ் தயாரித்து, சுதர்சன் சீனிவாசன் ஒளிப்பதிவு செய்து, கே.எஸ்.சுந்தர மூர்த்தி இசையமைத்து, கதை மற்றும் திரைக்கதையை பிரியங்கா ரவீந்திரன் எழுதியுள்ள படத்தைப் பார்த்த சென்சார் போர்டு அதிகாரிகள், படத்துக்கு ‘யு/ஏ’ சான்றிதழ் அளித்துள்ளனர்.
இப்படம் மார்ச் மாதம் 28-ம் தேதி ரிலீஸாகும் என அதிகாரபூர்வமாக அறிவிக்கப்பட்டுள்ளது. இந்நிலையில் இந்த படத்தின் 'ஜிந்தாகோ' என்ற பாடல் வீடியோ புரேமோ வெளியாகி இணையத்தை கலக்கிவருகிறது.
