தமிழில் 1980-களில் முன்னணி கதாநாயகியாக வலம் வந்தவர் அமலா. இவர் ரஜினிகாந்த், கமல்ஹாசன் ஆகியோருடன் ஜோடியாகவும் நடித்துள்ளார்.
'மைதிலி என்னை காதலி', 'மெல்ல திறந்தது கதவு', 'வேலைக்காரன்', 'வேதம் புதிது', 'அக்னி நட்சத்திரம்', 'கொடி பறக்குது', 'மாப்பிள்ளை', 'வெற்றி விழா', 'மவுனம் சம்மதம்' உள்ளிட்ட பல வெற்றி படங்களில் நடித்தவர்.
அமலா 1991-இல் வெளியான கற்பூர முல்லை என்ற படத்தில் கடைசியாக நடித்திருந்தார். தெலுங்கிலும் அதிக படங்களில் நடித்தார். 30 வருடங்களுக்கு பிறகு தற்போது டிரீம் வாரியர் பிக்சர்ஸ் தயாரிக்கும் 'கணம்' படத்தில் அமலா தமிழில் மீண்டும் நடிக்கிறார்.
இந்த படத்தில் ஷர்வானந்த் கதாநாயகனாக நடிக்கிறார். இவரும் கடைசியாக 2015-ல் வெளியான 'ஜே.கே. எனும் நண்பனின் வாழ்க்கை' படத்தில் நடித்திருந்தார். தொடர்ந்து தெலுங்கு படங்களில் நடித்தார். 6 வருடங்களுக்கு பிறகு மீண்டும் 'கணம்' படம் மூலம் தமிழுக்கு வருகிறார்.
ஸ்ரீகார்த்திக் இயக்கும் கணம் படத்தில் ஷர்வானந்த் ஜோடியாக ரிதுவர்மா நடிக்கிறார். நாசர், சதீஷ், ரமேஷ் திலக் ஆகியோரும் முக்கிய கதாபாத்திரங்களில் நடிக்கின்றனர். இப்படத்தை டிரீம் வாரியர் பிக்சர்ஸ் சார்பில், எஸ்.ஆர். பிரபு, எஸ்.ஆர். பிரகாஷ் பாபு ஆகியோர் தயாரிக்கின்றனர். இப்படத்தின் படப்பிடிப்பு தற்போது நடைபெற்று வருகிறது. 'கணம்' திரைப்படம் தமிழ், தெலுங்கு என இரு மொழிகளில் வெளியாகிறது.
இதையும் படிங்க: திரையுலகில் மீண்டும் காலடி எடுத்து வைக்கிறார் நடிகை அமலா
