கிரிக்கெட் வீரர் நடராஜனும், நகைச்சுவை நடிகர் யோகி பாபுவும் நெருங்கிய நண்பர்கள் என்பது அனைவரும் அறிந்த ஒன்றே. இருவரும் அடிக்கடி வீடியோ கால் பேசுவதை வழக்கமாக வைத்துள்ளனர்.
இந்நிலையில் நடராஜனும், யோகி பாபுவும் சமீபத்தில் ஹோட்டலுக்குச் சென்று சந்தித்துப் பேசியுள்ளனர். இருவரும் ஜாலியாக ரிலாக்ஸாக பேசி உணவு அருந்தும் போது எடுத்த புகைப்படங்களை, நடராஜன் தனது ட்விட்டர் பக்கத்தில் வெளியிட்டுள்ளார்.
அதில், "இந்த நாளை நினைவில் வைத்துக் கொள்ள வேண்டும். அன்பான, கலகலப்பான நண்பர் யோகி பாபுவை சந்தித்த மகிழ்ச்சியான தருணம் இது" என நடராஜன் குறிப்பிட்டுள்ளார்.
நடராஜன் வெளியிட்ட இப்புகைப்படங்கள், சுமார் ஒரு மணி நேரத்தில் இரண்டு லட்சத்துக்கும் அதிகமான லைக்ஸ்களை பெற்று வைரலாகி வருகிறது.
இதையும் படிங்க: ஒளிப்பதிவு திருத்தச்சட்ட வரைவு 2021: 'படைப்பாளிகளின் சுதந்திரத்தை பறிக்கிறது'
