தமிழ் திரை உலகில் பல முன்னணி கதாநாயகர்களின் படத்தில் தனது சிந்திக்க வைக்கும் கருத்துக்களை மக்களுக்கு பரப்பியவர் நடிகர் விவேக். இவரை சின்னக்கலைவாணர் என்றும் அழைப்பார்கள்.
நகைச்சுவை நடிகராக வலம் வந்த நடிகர் விவேக் 'மகனே என் மருமகனே', 'இவன்தான் பாலா', 'பாலக்காட்டு மாதவன்' ஆகிய படங்களில் நாயகனாகவும் நடித்துள்ளார். மேலும், சமூக சிந்தனையுடன் செயல்பட்டு வரும் விவேக் மறைந்த முன்னாள் ஜனாதிபதி அப்துல் கலாம் பெயரில் இயற்கை வளத்தை பாதுகாக்க விழிப்புணர்வு பேரணி நடத்தினார்.
அஜித் நடிப்பில் வெளிவந்த விஸ்வாசம் படத்தை தொடர்ந்து தற்போது உருவாகி வரும் விஜய் 63 படத்தில் முக்கிய கதாபாத்திரத்தில் நடித்து வருகிறார்.
இந்நிலையில், இயக்குநர் இளங்கோவன் இயக்கத்தில் 'வெள்ளைப்பூக்கள்' என்ற படத்தில் நடித்து நாயகனாக நடிக்க ஒப்பந்தமாகியுள்ளார். கிரைம் திரில்லராக உருவாகி வரும் இப்படத்தின் பர்ஸ்ட் லுக் போஸ்டரை நடிகர் சூர்யா வெளியிட்டார். படத்தின் படப்பிடிப்புகள் அமெரிக்காவில் உள்ள சியாட்டில் நடைபெறுகிறது.
பிரபல இண்டஸ் எண்டர்பிரைசஸ், ட்ரைடென்ட் ஆர்ட்ஸ் மற்றும் ஸ்ட்ரீமிங் தளமான டெண்ட்கொட்டா ஆகிய நிறுவனங்கள் ஒன்றிணைந்து இப்படத்தை தயாரிக்கினறன. 'வெள்ளைப்பூக்கள்' திரைப்படம் வருகின்ற ஏப்ரல் 19 ஆம் தேதி வெளியாகும் என அறிவிக்கப்பட்டுள்ளது.
