நடிகர் விஜய் நடிப்பில் உருவாகியுள்ள திரைப்படம் மாஸ்டர். லோகேஷ் கனகராஜ் இயக்கியுள்ள இந்தத் திரைப்படம் ஏப்ரல் மாதம் வெளியாகவிருந்த நிலையில் ஊரடங்கு காரணமாகப் படத்தின் ரிலீஸ் தேதி குறிப்பிடப்படாமல் தள்ளி வைக்கப்பட்டுள்ளது.
இந்நிலையில், விஜயின் 65ஆவது திரைப்படத்தை இயக்குநர், ஏ.ஆர்.முருகதாஸ் இயக்கவுள்ளதாகவும், அதை சன் பிக்சர்ஸ் நிறுவனம் தயாரிக்கவுள்ளதாகவும் கோலிவுட் வட்டாரத்தில் பேசப்படுகிறது.
மேலும் விரைவில் அதுகுறித்த அதிகாரப்பூர்வ அறிவிப்பு வெளியாகும் என்றும் எதிர்பார்க்கப்படுகிறது.
ஏற்கனவே இயக்குநர் ஏ.ஆர்.முருகதாஸ், விஜய்யை வைத்து கத்தி, சர்கார், துப்பாக்கி ஆகிய மூன்று படங்களை இயக்கியுள்ளார் என்பது குறிப்பிடத்தக்கது.
