இயக்குநர் கார்த்திக் சுப்புராஜ் இயக்கத்தில், நடிகர் தனுஷ் நடிப்பில் உருவாகியிருக்கும் ஜகமே தந்திரம் படம் இன்று (ஜூன் 18) உலகம் முழுவதும் நெட்பிளிக்ஸ் ஓடிடியில் வெளியாகிறது. இந்நிலையில் டோலிவுட்டில் தேசிய விருது பெற்ற இயக்குநர் சேகர் கம்முலாவின் இயக்கத்தில், நடிகர் தனுஷ் நடிக்க உள்ளதாக அறிவிக்கப்பட்டுள்ளது.
படத்தை நாராயணதாஸ் நரங் தயாரிக்கிறார். தமிழ், தெலுங்கு, இந்தி ஆகிய மூன்று மொழிகளில் இந்தப் படம் உருவாக உள்ளதாகவும் தெரிவிக்கப்பட்டுள்ளது. திரைப்பட நாயகி, தொழில்நுட்ப கலைஞர்கள், இதர முக்கிய நடிகர் நடிகைகள் உள்ளிட்டோர் குறித்த அறிவிப்பு வெளியிடப்படவில்லை.
ஏற்கனவே நடிகர் தனுஷும் தேசிய விருது பெற்றவர் என்பது அனைவரும் அறிந்ததே. தேசிய விருது பெற்ற இயக்குநர், நடிகர் இருவரும் ஒன்றாக இணைந்து திரைப்படம் உருவாக உள்ளதால் ரசிகர்களின் எதிர்பார்ப்பை எகிறச் செய்துள்ளது.
இதையும் படிங்க: மலைக்கவைக்கும் மன்மத மான் மாளவிகா மோகனன் போட்டோஷூட்
