ஹிப்ஹாப் ஆதி இயக்கியுள்ள இரண்டாவது படம் 'சிவகுமாரின் சபதம்'. இப்படம் வரும் 30ம் தேதி திரையரங்குகளில் வெளியாகிறது. இதற்கான செய்தியாளர் சந்திப்பு சென்னையில் நடைபெற்றது. இதில் ஹிப்ஹாப் ஆதி, இளங்கோ, ராகுல், மாதுரி, கதிர் தயாரிப்பாளர் சத்யஜோதி தியாகராஜன் உள்ளிட்டோர் கலந்துகொண்டனர்.
தயாரிப்பாளர் தியாகராஜன்
யூடியூப் பிரபலங்களை தேடிப்பிடித்து தனது படங்களில் நடிக்க வைக்கிறார் ஆதி. படம் நன்றாக வந்துள்ளது. நல்ல படங்களை திரையரங்குகளில் பார்த்தால்தான் ரசிக்க முடியும்.
ஹிப்ஹாப் ஆதிதுணி எடுக்க காஞ்சிபுரம் சென்ற போது அப்போது அங்கிருந்த நெசவாளர்களுடன் பேசியபோது தோன்றிய கதை. காஞ்சிபுரத்து பட்டு தொழில்செய்யும் குடும்பத்து இளைஞரின் கதைதான் இது. எனது படங்களை போன்று இளமை துள்ளலும் இதில் இருக்கும். மனித உறவுகளை பேசும் படமாகவும் இது இருக்கும். திறமையான நடிகர்களை தேடி தேடி பயன்படுத்தி உள்ளேன்.ஓடிடியில் படம் வெளியிட்டால் மக்கள் படத்தை ஓட்டி ஓட்டி பார்த்துவிடுவார்கள். இது திரையரங்குகளுக்கான படம். எனவே படத்தை பார்த்து விட்டு உங்களது கருத்துகளை கூறுங்கள்" என்றார்.
இதையும் படிங்க: 'சிவக்குமாரின் சபதம்' ரிலீஸ் அப்டேட்!
