மும்பை: பாலிவுட் சூப்பர் ஸ்டார் அமிதாப் பச்சனின் மகன் அபிஷேக் பச்சன். இவர், தற்போது பாப் பிஸ்வாஸ் படத்தில், கூலிப்படையைச் சேர்ந்தவராக நடித்துவருகிறார்.
இந்நிலையில், அபிஷேக் பச்சனுக்கு கையில் காயம் ஏற்பட்டுள்ளதாகவும், மருத்துவமனையில் அவர் அனுமதிக்கப்பட்டுள்ளதாகவும் தகவல் வெளியானது.
ஆனால், இதனை நடிகர்களோ, மருத்துவமனையோ உறுதி செய்யாதநிலையில், நேற்று மும்பை லீலாவதி மருத்துவமனைக்கு அமிதாப் பச்சனும், அவரது மகள் சுவேதா பச்சன் நந்தாவும் வந்துள்ளனர்.
வதந்தியா... உண்மையா?
இந்த நிகழ்வு, அபிஷேக்கு காயம் ஏற்பட்டுள்ளதாக வதந்தி கிளப்பியர்களுக்கு தீனி போட்டுள்ளது. இந்த வதந்தி போக, ஐஸ்வர்யா ராய்க்கு இரண்டாவது குழந்தை பிறக்கவுள்ளதாகவும் வதந்திகள் பரவிவருகின்றன.
ஐஸ்வர்யா ராய் மத்தியப் பிரதேசத்தில் நடந்த படப்பிடிப்பில் கலந்துகொண்டு கடந்த ஞாயிறு அன்று மும்பை திரும்பியது குறிப்பிடத்தக்கது.
இதையும் படிங்க: அடித்தது லக்... மக்கள் செல்வனுக்கு ஜோடியான பிக்பாஸ் பிரபலம்
