ஹைதராபாத்: பூரி ஜகநாத் இயக்கத்தில் விஜய் தேவரகொண்டா, அனான்யா பாண்டே ஆகியோர் முன்னணி கதாபாத்திரங்களில் நடித்துவரும் திரைப்படத்துக்கு ‘லைகர்’ என பெயரிடப்பட்டுள்ளது.
தெலுங்கில் பல ஹிட் படங்களை கொடுத்த பூரி ஜகநாத், முதன்முறையாக விஜய தேவரகொண்டாவுடன் இணைந்துள்ளார். கரண் ஜோகர் தயாரிக்கும் இந்தப் படத்தில் விஜய் ஜோடியாக அனான்யா பாண்டே நடிக்கிறார். நேற்று இந்தப் படத்தின் ஃபர்ஸ்ட் லுக், டைட்டில் வெளியாகும் என அதிகாரப்பூர்வமாக அறிவிக்கப்பட்டிருந்தது.
அதன்படி இன்று ஃபர்ஸ்ட் லுக் போஸ்டர் டைட்டிலுடன் வெளியானது. லைகர் என இப்படத்துக்கு பெயரிடப்பட்டுள்ளது. இத்திரைப்படம் பல்வேறு இந்திய மொழிகளில் வெளியாகவுள்ளது.
முழுக்க முழுக்க ஆக்சன் திரைப்படமாக உருவாகிவரும் இதற்காக விஜய் தேவரகொண்டா தாய்லாந்து சென்று தற்காப்புக் கலை பயிற்சி எடுத்துக்கொண்டது குறிப்பிடத்தக்கது.
