மணாலி: இரவு ஊரடங்குக்கு தயாரான ரவீனா

மணாலி படப்பிடிப்பில் கலந்துகொண்டிருக்கும் நடிகை ரவீனா, அங்கு அமல்படுத்தப்பட்டுள்ள இரவு ஊரடங்குக்கு தயார் நிலையில் இருப்பதாக தனது இன்ஸ்டா பக்கத்தில் தெரிவித்துள்ளார்.

பாலிவுட் நடிகை ரவீனா மணாலியில் நடைபெற்றுவரும் படப்பிடிப்பில் கலந்துகொண்டிருக்கிறார். கரோனா பரவல் காரணமாக சுற்றுலா பயணிகள் அதிகம் குவியும் மணாலியில் இரவு ஊரடங்கு அமல்படுத்தப்பட்டுள்ளது. இரவு 8 மணி முதல் காலை 6 மணி வரை ஊரடங்கு அமலில் இருக்கும் என அறிவிக்கப்பட்டுள்ளது.

இதுகுறித்து ரவீனா, மணாலியில் இருக்கும்போது அந்த மக்களைப் போலவே நடந்துகொள்ளுங்கள். இரவு ஊரடங்குக்கு தயார் நிலையில் உள்ளேன். இரவு 8 மணி முதல் காலை 6 மணி வரை ஊரடங்கு, 8 மணிக்கு மேல் இயற்கை கொஞ்சம் சுவாசிக்கட்டும் என குறிப்பிட்டுள்ளார்.