ஆயுஷ்மான் குரானா நடிப்பில் வெளியான ‘ட்ரீம் கேர்ள்’ படத்தின் இரண்டாம் பாகம் உருவாகவுள்ளதாக தகவல் வெளியாகியுள்ளது.
ராஜ் சாண்டில்யா இயக்கத்தில் ஆயுஷ்மான் குரானா, நுர்சாத் ஆகியோர் முன்னணி கதாபாத்திரங்களில் நடித்த படம் ‘ட்ரீம் கேர்ள்’. 2019ஆம் ஆண்டு வெளியான இப்படம் பாலிவுட் ரசிகர்களிடம் நல்ல வரவேற்பை பெற்றது. திரையரங்குகள் மட்டுமில்லாது தொலைக்காட்சியிலும் இப்படத்தை அதிகமானோர் பார்த்துள்ளனர். இதனால் இரண்டாம் பாகத்தை எடுக்க படக்குழு முடிவு செய்துள்ளது.
ராஜ் சாண்டில்யா இப்படத்துக்கான ஸ்கிரிப்ட்டை ரெடி செய்து வருகிறார். இந்தப் படத்திலும் ஆயுஷ்மான் குரானாவையே நடிக்க வைக்க திட்டமிட்டுள்ளனர். அவர் இதுவரை நடித்த எந்த படத்துக்கு இரண்டாம் பாகம் எடுக்கப்பட்டதில்லை. ஒருவேளை இப்படம் உருவானால், இது அவரது முதல் சீக்வல் திரைப்படமாக இருக்கும். இதுகுறித்த அதிகாரப்பூர்வ தகவல் வெகு விரைவில் வெளியாகும் என எதிர்பார்க்கப்படுகிறது.
இதையும் படிங்க: இறுதிகட்டத்தை எட்டிய வெற்றிமாறனின் ‘விடுதலை’
