தமிழில் 'ஏகன்', 'கோ', 'கோவா' உள்ளிட்ட படங்களில் முன்னணி கதாபாத்திரங்களில் நடித்தவர் பியா பாஜ்பாய். இவர் தமிழ் மட்டுமல்லாது தெலுங்கு, மலையாளம், இந்தி உள்ளிட்ட பல மொழி திரைப்படங்களிலும் நடித்துள்ளார்.
இந்நிலையில், கரோனாவால் பாதிக்கப்பட்டுள்ள தன் சகோதரருக்கு உதவி தேவையென பியா இன்று ட்விட்டர் பக்கத்தில் ட்வீட் செய்திருந்தார். அதில், உத்தரப் பிரதேசத்தில் உள்ள பரூகாபாத் நகரில் தனது சகோதரர் இருக்கிறார். கரோனாவால் பாதிக்கப்பட்ட அவருக்கு உடனடியாக மருத்துவமனையில் படுக்கையும் வென்டிலேட்டர் வசதியும் தேவை. தயவு செய்து உதவுங்கள் என பதிவிட்டிருந்தார்.
இந்த ட்வீட் பதிவிட்ட சில மணி நேரத்திலேய எனது சகோதரர் இறந்துவிட்டார் என பியா ட்விட்டரில் பதிவிட்டார். இதனையடுத்து அவருக்கு நெட்டிசன்கள், ரசிகர்கள் பலரும் ஆறுதல் தெரிவித்து வருகின்றனர்.
