மி நோட்புக் 14ஐசி - தனித்துவமிக்க விலைக்கேற்ற தரம்!

சியோமி நிறுவனம் மி நோட்புக் 14ஐசி எனும் புதிய மடிக்கணினியை அறிமுகப்படுத்தியுள்ளது. முன்பு வெளியிடப்பட்ட மடிக்கணினியிலிருந்து மாறுதலாக, வெப் கேமராவுடன் இந்த மடிக்கணினி அறிமுகப்படுத்தப்பட்டு உள்ளது.

டெல்லி: சீனாவின் சியோமி நிறுவனம் தனது புதிய மி நோட்புக் 14ஐசி மடிக்கணினியை அறிமுகப்படுத்தியுள்ளது.

2019 ஆம் ஆண்டில் சியோமி நிறுவனம் இந்தியாவில் மடிக்கணினி வணிகத்தில் போட்டி விலையில் மி நோட்புக் 14 மடிக்கணினியை அறிமுகம் செய்தது. நல்ல விலையில் சியோமி பல சிறந்த அம்சங்களை வழங்கிய போதிலும், மடிக்கணினியில் ஒரு பெரிய சிக்கல் இருந்தது. மி நோட்புக் 14 இல் ஒரு வெப் கேமரா இல்லாமல் இருந்தது. இதை ஈடுசெய்ய நிறுவனம் இலவச யூ.எஸ்.பி வெப் கேமராவை வழங்கியது.