இந்தியாவில் ஸ்மார்ட்போன் சந்தையுடன் ஒப்பிடுகையில், லேப்டாப் சந்தை மிகப் பெரிய அளவில் இல்லை. இருப்பினும், கரோனா ஊரடங்கு காரணமாக வீட்டிலிருந்து வேலை செய்யும் முறை தற்போது அதிகரித்துள்ளது. இதன் காரணமாக, இந்தியாவில் லேப்டாப் விற்பனை பல மடங்கு அதிகரித்துள்ளது. இந்த காலத்தை சரியாகப் பயன்படுத்தி, லேப்டாப் சந்தையில் முக்கிய இடத்தைப் பிடிக்க பல்வேறு நிறுவனங்களும் முயன்று வருகின்றன.
சியோமி, ஹூவாய் போன்ற நிறுவனங்களும் புதிதாக லேப்டாப் சந்தையில் களமிறங்கின. மறுபுறம் ஹெச்.பி, Asus போன்ற நிறுவனங்களும் வீட்டிலிருந்து வேலை செய்பவர்களை குறிவைத்து, தங்கள் புதிய லேப்டாப்களை வெளியிட தயாராகிவருகின்றன. இந்நிலையில், லெனோவா நிறுவனம் யோகா லெனோவா ஸ்லிம் 7i என்ற புதிய லேப்டாப்பை தற்போது அறிமுகப்படுத்தியுள்ளது.
லெனோவா ஸ்லிம் 7i வசதிகள்
- 35.56 இன்ச் எல்இடி டிஸ்பிளே
- ஐ7 இன்டேல் பிராசஸர்
- Nvidia GeForce MX350 GDDR5 graphics card
- 512GB ஸ்டோரேஜ்
- 60W ஃபாஸ்ட் சார்ஜ் வசதி
- 4.0W Dolby Atmos speaker
- எடை - 1.36 கிலோகிராம்
விலை ரூபாய் 79,990
சாம்பல் நிறத்தில் வெளியாகும் இந்த லேப்டாப் வரும் ஆகஸ்ட் 20ஆம் தேதி முதல் லெனோவா.காம், அமேசான், ஃபிளிப்கார்ட் ஆகிய தளங்களில் விற்பனைக்குவருகிறது. அதேபோல வரும் ஆகஸ்ட் 14ஆம் தேதி முதல் ஆஃப்லைன் கடைகளில் இந்த லெனோவா யோகா ஸ்லிம் 7 ஐ கிடைக்கும் என்றும் அறிவிக்கப்பட்டுள்ளது.
இதையும் படிங்க: தனியார் ரயில்கள் கட்டுப்பாடுகள் என்னென்ன?
