ஜாப்ரா தனது புதிய ஆன்-இயர் ஹெட்போனை இந்தியாவில் அறிமுகம் செய்வதாக அறிவித்துள்ளது. ஜாப்ரா எலைட் 45h என அழைக்கப்படும் ஹெட்போன்கள் ரூ.9,999 விலையுடன் விற்பனையாகவிருக்கின்றன. இதனை அமேசான் தளத்தில் ஆகஸ்ட் 6ஆம் தேதி முதல் வாடிக்கையாளர்கள் பதிவுசெய்து பெற்றுக்கொள்ளலாம்.
ஜாப்ராவிலிருந்து வரும் ஆன்-இயர் ஹெட்போன்கள் சிறந்த ஒலி வசதியோடு வடிவமைக்கப்படுகின்றன. மேலும் இது உயர்தர பொருள்களிலிருந்து வடிவமைக்கப்பட்டுள்ளது என்று கூறப்படுகிறது. ஜாப்ரா மைசவுண்ட் அம்சத்துடன் ஆடியோ அனுபவத்தைக் கேட்டு ரசிக்க பயனர்கள் ஜாப்ரா சவுண்ட்+ செயலியைப் பதிவிறக்கம் செய்துகொள்ளலாம்.
