சென்னை தியாகராயநகரில் ஜி.ஆர்.டி. நகைக்கடை இயங்கிவருகிறது. இதில் பணிபுரிந்த சென்னை ஜாபர்கான்பேட்டையைச் சேர்ந்த ரவிக்குமார் நகைகளை கொள்ளை அடித்துச் சென்றதாக நகைக்கடை மேலாளர் பிரபாகரன் காவல் நிலையத்தில் புகார் அளித்திருந்தார்.
ரவிக்குமார் கடந்த 10 ஆண்டுகளாக கடையில் ஊழியராக பணியாற்றி வருகிறார். 2,379 வைர கற்களால் செய்யப்பட்ட எட்டு வைர வளையல், ஒரு ஜிமிக்கி - 1, கம்மல் - 2, நெக்லஸ்-2, உள்ளிட்டவை காணவில்லை என்றும், அதே போல 271 கிராம் தங்க நகைகள் கொள்ளையடிக்கப்பட்டதாகவும் அப்புகாரில் தெரிவிக்கப்பட்டுள்ளது. திருடுபோன நகைகளின் மதிப்பு இரண்டு கோடியாகும்.
இந்நிலையில், ஜி.ஆர்.டி. நகைக்கடை சார்பில் ரவிக்குமாருக்கு நெருக்கடி கொடுத்ததன் காரணமாக தற்கொலை அவர் செய்து கொண்டதாக தெரிகிறது. கொள்ளையடிக்கப்பட்ட நகையில் பாதிக்கும் மேற்பட்ட நகைகள் மீட்கப்பட்டுள்ளதாக காவல்துறை சார்பில் தெரிவிக்கப்பட்டுள்ள நிலையில் ரவிக்குமாரின் உறவினர்கள் மூன்று பேரிடம் தற்போது தீவிர விசாரணை நடைபெற்றுவருகிறது.
