நீலாங்கரை வெட்டுவாங்கேணி பகுதியைச் சேர்ந்தவர் குருமூர்த்தி என்பவரது மகன் ராம்குமார் (24). இவர் கடந்த 15 ஆம் தேதி நடுக்குப்பத்தைச் சேர்ந்த பிரேம்குமார் என்பவரை குடிபோதையில் பாட்டிலால் தாக்கியுள்ளார்.
இதற்கு பழிதீர்ப்பதற்காக, ஆட்டோவில் வந்த 10-க்கும் மேற்பட்ட கும்பல் ராம்குமாரை சரமாரியாகக் கத்தியால் வெட்டியுள்ளனர். பின்னர் அக்கும்பல் அவரை ஆட்டோவில் கடத்திச் சென்றது.
இது தொடர்பாக ராம்குமாரின் தந்தை குருமூர்த்தி கொடுத்த புகாரின்பேரில், ஐஸ் அவுஸ் காவல் துறையினர் நடத்திய விசாரணையில், நடுக்குப்பத்தைச் சேர்ந்த பிரேம்குமார், சிவமணி, அப்துல் ரஹீம், அஸ்மத், சுபான், கார்த்திக், ரஞ்சித், வினோத் ஆகியோர் ராம்குமாரை கடுமையாகத் தாக்கிவிட்டு பின்னர் ஆட்டோவில் கடத்திச்சென்று கொலைசெய்தது தெரியவந்தது.
மேலும், கோவளம் கல்லுக்குட்டை பகுதியில் ராம்குமார் உடலைக் காவலர்கள் கண்டெடுத்தனர். இக்கொலையில் தொடர்புடைய, பிரேம் குமார் உள்ளிட்ட எட்டு பேரை ஐஸ் அவுஸ் காவல் துறையினர் தேடிவருகின்றனர்.
இந்நிலையில், கொலைசெய்யப்படுவதற்கு முன் ராம்குமாரைத் தாக்கி அந்தக் கும்பல் ஆட்டோவில் ஏற்றிச்செல்லக்கூடிய சிசிடிவி காட்சி தற்போது வெளியாகி பரபரப்பை ஏற்படுத்தியுள்ளது.
இதையும் படிங்க: பூட்டிய கடைக்குள் உயிரிழந்த நபர் - சிக்கிய கடிதம்
