இங்கிலாந்தின் குட்வுட் பகுதியில் பெண்களுக்கான மங்கோலியா கோப்பை குதிரைப்பந்தயம் போட்டி நடைபெற்றது. பல்வேறு பெண்களும் கலந்துகொண்ட இந்த பந்தயத்தில் காதிஜா மெல்லாஹ் என்ற 18 வயது இஸ்லாமிய பெண் ஜாக்கி வெற்றிபெற்றார். இதன்மூலம் இங்கிலாந்தில் நடைபெறும் குதிரைப்பந்தயத்தில் ஹாஜிப் என்றழைக்கப்படும் இஸ்லாமிய உடை அணிந்து பெண் ஜாக்கி ஒருவர் வெற்றி பெற்றுள்ளார் என்ற வரலாற்றை அவர் படைத்திருக்கிறார்.
இஸ்லாமிய உடையுடன் வரலாறு படைத்த முதல் பெண் ஜாக்கி
தெற்கு லண்டன் பகுதியைச் சேர்ந்த காதிஜா மெல்லாஹ் ஒரு மெக்கானிக்கல் பொறியியல் மாணவி ஆவார். இவர் கடந்த ஏப்ரல் மாதம் பிரிக்ஸ்டனில் உள்ள எபோனி குதிரைப்பந்தய கிளப்பில் இணைந்துள்ளார். அப்போது இருந்து பயிற்சி பெற்ற இவர் நேற்றைய போட்டியில் வெற்றி பெற்று புதிய சாதனையை படைத்துள்ளார்.
